Lojtari ukrainas i CS:GO, Oleksandr “s1mple” Kostyliev, përmes një postimi në Instagram ditën e djeshme (e diel), informoi fansat e tij se kishte dhuruar një milion hryvnia ukrainase (ose 30.000 euro për ushtrinë e vendit të tij).
S1mple është një lojtar nga Ukraina, i njohur në tërë skenën ndërkombëtare të CS:GO.
Pak ditë më parë, ukrainasi dërgoi një mesazh emocionues përmes një fjalimi në skenën e turneut, i cili u organizua në Katowice të Polonisë.
♥️ @s1mpleO#IEM pic.twitter.com/nQjH576Cqa
— ESL Counter-Strike (@ESLCS) February 25, 2022
“Të gjithë ne duam paqe për Ukrainën dhe për të gjithë botën. Të gjithë jemi të frikësuar dhe të gjithë duhet të japim një shembull në këtë turne”.
“Ne duhet të qëndrojmë së bashku, me fansat tanë, me miqtë tanë dhe me të gjithë ata që shikojnë, dhe ne të gjithë duhet të jemi njerëz së pari”, ishin fjalët e s1mple në IEM Katowice.
S1mple, i cili ndodhet në Poloni për shkak të turneut të mbajtur në qytetin e Katowice, në pamundësi për t’u kthyer në vendin e tij, ka dërguar një numër të madh donacionesh për ushtrinë e vendit të Ukrainës, që arrijnë vlerën rreth 30 mijë euro. /Telegrafi/
