Real Madridi është shumë pranë që të arrijë marrëveshje me Vinicius Junior për rinovimin e kontratës – njofton Goal.
Braziliani ka edhe dy vite në kontratën e tanishme (deri në qershor 2024), mirëpo kampioni spanjoll shpreson ta bindë për një qëndrim më të gjatë.
21-vjeçari ishte nga lojtarët më të rëndësishëm të Los Blancos në suksesin në La Liga dhe Ligën e Kampionëve në edicionin 2021/2022 duke shënuar 22 gola dhe duke dhuruar 16 asistime në 52 ndeshje në të gjitha garat.
Burimet e Goal thonë se palët janë shumë pranë marrëveshjet dhe gjërat janë 95 për qind të kompletuara.
Kanë mbetur vetëm detajet e vogla që pritet të sqarohen para se të nënshkruhet kontrata. Qëllimi i Realit ka qenë që ta lidhë anësorin me klubin deri në vitin 2028, mirëpo është pajtuar për një qëndrim më të shkurtër.
Pas paraqitjeve të mira në sezonin që lamë pas, klubi ka dashur t’ia përmirësojë kontratën, pasi Vinicius është lojtari me pagën më të ulët në ekipin e parë me afro 3.5 milionë euro në sezon. Me kontratën e re thuhet se ai do të përfitojë deri në 10 milionë euro në vit. Veç kësaj, Mbretërit do t’ia rritin dukshëm klauzolën për të shmangu interesimet eventuale. /Telegrafi/
