Ish-sulmuesi i Ligës Premier, Michael Owen, ka zgjedhur sulmuesin e Bayern Munichut, Robert Lewandowski për “Topin e Artë” të vitit 2021 .
Owen beson se Lewandowski ishte jashtëzakonisht i pafat që nuk e fitoi “Topin e Artë” vitin e kaluar pasi ai u anulua për shkak të pandemisë COVID-19.
Megjithatë, eksperti 41-vjeçar beson se asnjë kandidat tjetër nuk do t’i afrohej sulmuesit polak në librat e tij.
“Mendoj se Lewandowski ishte shumë i pafat që nuk e fitoi atë në vitin e Covidit kur ishte, padyshim që u pezullua ose u anulua atë vit, dhe ndoshta do të shkoja me të”.
“Ka kandidatë të tjerë, mos më keqkuptoni, Mo Salah ka pasur një sezon të mrekullueshëm, megjithëse nuk ka fituar asgjë. Jorginho, nga ana tjetër, për Chelsean, ka fituar gjithçka”.
“Por unë nuk jam i sigurt se ai është potencialisht mjaft i mirë për ta fituar atë përpara lojtarëve si Lewandowski, dhe kështu unë shkoj për të. Ai ka fituar përsëri Bundesligën”, ka thënë ai.
Michael Oëen tha gjithashtu se do të ishte një krim nëse Lewandowski nuk e fitonte Topin e Artë një herë në karrierën e tij.
“Numrat e tij janë tronditës. Golat e tij në vitin e fundit. Kështu që unë mendoj se do të shkoja për Lewandowski. Do të ishte një krim absolut nëse ai do ta kalonte karrierën e tij pa fituar. Ai është një lojtar mahnitës”, deklaroi Owen. /Telegrafi/