Logopedi Iljasa Fazliu është arrestuar ditën e djeshme nën dyshimin se ka kryer veprën penale trajtim të pandërgjeshëm mjekësor.
Insjaderi ka publikuar sot incizimet ku dëgjohet Fazliu duke abuzuar piqikisht me një vajzë tre vjeçare e cila ka qenë e diagnostikuar me autizëm.
E pas këtij rasti, logopedi Fazliu është sulmuar fizikisht nga dy familjarë të fëmijës.
Policia përmes raportit 24 orësh ka njoftuar se në pranga përveç mjekut, kanë përfunduar edhe dy familjarët e 3 vjeçares.
Me vendim të prokurorit, të dyshuarit pas intervistimit janë dërguar në mbajtje.
“Rr. Mulla Idrizi, Gjilan 26.11.2022 – 12:52. Janë arrestuar tre të dyshuar meshkuj kosovarë, dy prej tyre pasi që kanë sulmuar fizikisht të dyshuarin e tretë i cili është mjek, të cilit i kanë shkaktuar lëndime. I dyshuari i tretë është arrestuar për shkak të dyshimit se ka kryer veprën trajtim i pandërgjegjshëm mjekësor dhe për shkak të sulmit ka pranuar tretman mjekësor. Me vendim të prokurorit, të dyshuarit pas intervistimit janë dërguar në mbajtje”, thuhet në raportin e policisë.
Në incizimin e publikuar, Fazliu dëgjohet duke e urdhëruar pacientin që të ndaloj së qari disa here me radhë.
“Plaq atje…Ik atje budallicë, ta q*ft bota nanen…ik aty… jepja bre topin q*ja nanen qaty… nalu ta q*ft dreqi nanen…çka po don çka, çka?… na e lodhe b**hen”, këto janë fjalët që dëgjohen në videon e siguruar”, janë fjalët e logopedit drejtuar 5 vjeçares.
Ndërkaq së fundmi janë publikuar edhe pamjet e momentit kur logopedi sulmohet fizikisht nga familjarët e pesë vjeçares. /Telegrafi/
