Në prill, Logitech planifikon të prezantojë një model të ri të miut, Signature AI Edition M750, i cili do të jetë i disponueshëm në Shtetet e Bashkuara dhe Britaninë e Madhe me një çmim prej 49,99 dollarë.
Ky mi (maus) përfshin një buton të specializuar AI që drejton Logi AI Prompt Builder, një aplikacion që është pjesë e softuerit Logi Options+. Duke shtypur tastin AI, përdoruesit aktivizojnë Prompt Builder brenda aplikacionit Options+, duke i lejuar ata të nxjerrin në pah, kopjojnë ose modifikojnë tekstin me të cilin po punojnë aktualisht.
Logitech pret që ky funksionalitet të përmirësojë produktivitetin e përdoruesit duke ofruar opsione të thjeshta për të bërë një fjali, për të përmbledhur tekstin apo edhe për të shkruar email. Gjithashtu, përdoruesit që tashmë zotërojnë disa nga pajisjet ekzistuese Logitech që nuk kanë një buton të dedikuar ChatGPT do të jenë në gjendje të ripërpunojnë një buton tjetër për të aktivizuar të njëjtin funksion, shkruan pcworld.
Aplikacioni ofron stile të ndryshme të përpunimit të fjalëve, të tilla si “argëtuese” dhe “profesionale”, që u jep përdoruesve fleksibilitetin për të personalizuar prodhimin e mjetit AI sipas nevojave ose kontekstit të tyre specifik. Me këtë lëvizje, Logitech kërkon të çmitizojë përdorimin e teknologjisë AI dhe ta bëjë atë intuitive dhe të qasshme për përdorim të përditshëm.
Nëpërmjet kësaj risi, Logitech demonstron përkushtimin e saj për të integruar teknologjinë AI në pajisjet e përditshme, duke u ofruar përdoruesve mjete të fuqishme për punë më efikase dhe më të angazhuar. /Telegrafi/