Logan Paul ka arritur t’i shpëtojë nokautit në meçin ekzibiocional ndaj Floyd Mayweather që u zhvillua në Miami.
Në duelin që zgjati për tetë raunde, nuk kishte gjyqtar dhe natyrisht se nuk mund të kishte fitues.
Kjo përballje ishte bërë më shumë për t’i kënaqur shikuesit, me këta të fundit që mbetën të zhgënjyer.
Pas meçit, Paul ka thënë se ai tentoi të bënte më të mirë, mirëpo nuk kishte parashikuar lëvizjet e Mayweather dhe me ato që kishte bërë në sparring.
“Ai e punoi me trupin më shumë sesa unë isha mësuar në sparring”, deklaroi Paul. “Kur ke një boksier përballë si Floyd që e bën këtë tërë jetën e tij, ai i njeh të gjitha lëvizjet”.
“Po, ai ka punuar më shumë me trupin, më shumë sesa isha mësuar unë, por bëj ushtrime tjera, kështu që jemi mirë”.
“Unë po e kapja atë, e pranoj. Doja ta bëjë si në MMA me siguri sepse unë jam një luftëtar i mirë; jam një mundës në zemër dhe mendoj se do të ishte marrëzi të mos e përdorja atë në mënyrën më të mirë e aftësisë time”.
Paul e priste humbjen nga Mayweather, edhe pse për shkak të rregullat e Komisionit Atletik të Floridës rreth përballje ekzibicionale e ndalojnë që kundërshtari të nokautohet dhe se nuk ka fitues. /Telegrafi/