Një polic ka realizuar një operacion të fshehtë në rrugët plot krim, ku personat me aftësi të kufizuara nëpër karroce janë shpesh viktima të plaçkitjeve.
Polici nga Vankuveri, Mark Horsley, është maskuar dhe shtirur si një burrë i paralizuar në një karrocë elektrike, dhe kështu kishte dalë për të shëtitur rrugëve ku mbizotëron krimi, transmeton Telegrafi.
Ndërsa për të mos rënë në sy të kriminelëve, ai vazhdimisht u thoshte qytetarëve se ka pësuar lëndime në tru ku si pasojë ka mbetur i paralizuar.
Por pasi kaloi pesë ditë në karrocë duke shëtitur rrugëve të këtij qyteti, polici Horsley tha se asnjëri nga qytetarët nuk e shfrytëzoi rastin që ta plaçkit dhe të pasurohet me 24 dollarët që i kishte në xhep.
Ai ka shpjeguar para gazetarëve arsyet se çfarë e kishte shtyrë që të realizoi këtë operacion të fshehtë.
“Vetëm gjatë muajit të kaluar dy persona me aftësi të kufizuara kanë qenë cak i hajnave të këtyre rrugë”, ka shtuar ai. /Telegrafi/
