Site icon Telegrafi

Locatelli: Përkushtimi i Juventusit do të jetë vendimtar ndaj Villarreallit

(Foto: Instagram/locamanuel73)

Mesfushori i Juventusit, Manuel Locatelli, konsideron se përkushtimi i skuadrës do të jetë vendimtar përballë Villarreallit të mërkurën mbrëma.

Zonja e Vjetër është nikoqire e Nëndetëses së Verdhë në Allianz Stadium për ndeshjen kthyese të 1/8 së finales në Ligën e Kampionëve (takimi i parë përfundoi 1-1).

“Përkushtimi do të jetë çelësi. Duhet të kemi më shumë vendosmëri dhe dëshirë për të fituar. Shpresojmë që të arrijmë ta fitojmë ndeshjen”.

(Foto: Instagram/locamanuel73)

“Jemi përmirësuar si grup, jemi të bashkuar dhe ka një frymë ndryshe. Po luajmë mirë dhe jemi të gëzuar”.

Lexo po ashtu Allegri konfirmon rikthimin e Dybalas dhe Chiellinit: Ndaj Villarrealit duhet të fitojmë gjatë 90 minutave

“Mendësia e klubit më ka lënë përshtypje, e ndjen që nga dita e parë. Duhet të përshtatesh ose nuk mund të qëndrosh këtu. Është unike dhe është gjë e shkëlqyer”.

“Trajneri na kërkon të luajmë dhe të kemi qëndrim pozitiv. E njohim mirë njëri-tjetrin, jemi të lumtur, duhet të vazhdojmë kështu, sepse nuk kemi bërë asgjë deri më tani”, ka deklaruar Locatelli në një konferencë për shtyp. /Telegrafi/

Exit mobile version