Teleshikuesit do të jenë dëshmitar edhe të një seriali të ri, i cili do të shfaqet shumë shpejt në ekranet tona televizive.
Po për dallim prej serialeve të tjera, autori Fisnik Vejsa ka menduar të sjell një krijimtari të re artistike.
“O Sa Mirë Kids” është seriali më i ri që do ta sjell në ekranet televizive “babai” i hit serialit “O Sa Mirë”.
Burimet e Telegrafit bëjnë me dije se tashmë është përzgjedhur edhe aktori që do të luajë rolin e drejtorit të kolegjit.
Bëhet fjalë për Ernest Zymberin, i cili njihet më mirë me rolin e “Llukmanit”, ku ka bërë për vete edhe publikun më simpatik – fëmijët.
Ndryshe, muajin e kaluar Vejsa kishte zbuluar edhe detajet e para rreth serialit, i cili është format i njëjti si “O Sa Mirë”, por që në qendër të vëmendjes do të jenë fëmijët dhe ka karakter edukativ, por nuk do të mungojnë edhe pjesë humoristike.
Vejsa ka thënë se “aktorët e rinj do të jenë të moshës deri 12-13 vjeçare dhe se do të përzgjidhen ndërsa pjesë e saj do të jenë edhe aktorët e serialit O Sa Mirë”.
Telegrafi në ditët në vijim do të zbuloj edhe detaje të tjera rreth serialit më të ri. /Telegrafi/