Llapi vendos t’i vazhdojë garat

Imran Amiti

4 years ago

Klubi futbollistik i Llapit ka vendosur që të vazhdojë të jetë pjesë e garave në futbollin e Kosovës.

Pas një takimi që kanë pasur me kreun e Federatës së Fubtollit të Kosovës, Agim Ademi dhe nënkryetarin Agim Dibrani, është mbajtur edhe një takim online i kryesisë së klubit, me ç’rast është vendosur për vazhdimin e garave.

“Pas takimit që patëm me kryetarin e FFK-së, Agim Ademi, si dhe nënkryetarin, Agim Dibrani është diskutuar ndeshja e djeshme ndërmjet Llapit dhe Dritës, në të cilën skuadra jonë u dëmtua në mënyrë të tmerrshme nga gjyqtarët e ndeshjes”.

“Në takimin e sotëm, kryetrajneri i KF Llapi, Tahir Batatina shfaqi brengën e tij në lidhje me referimin nga fillimi i këtij edicioni, duke menduar seriozisht tërheqjen nga garat e Superligës për këtë edicion”.

“Por, krerët e FFK-së theksuan që KF Llapi e meriton të jetë pjesë e Superligës dhe më nuk do ketë tendenca dhe dëmtime ndaj klubit”.

“Pas takimit me FFK-në, u organizua mbledhja online me kryesinë e klubit, të cilët edhe pse të tronditur nga referimi i djeshëm, menduan që duhet të jemi në gjendje gatishmërie të zhvillojmë kampionatin deri në fund, pa marrë parasysh ngjarjet e ndodhura së fundmi në dëm të KF Llapit”, thuhet në njoftimin e klubit. /Telegrafi/