Në një komunikatë për media, Llapi ka konfirmuar se sonte (e diele) do të mblidhet kryesia e klubit.
Në postimin e bërë në Facebook, aty thuhet se po shqyrtohet seriozisht mundësia që të largohen nga ndeshjet e Superligës së Kosovës.
Llapi pësoi humbje 2-1 në shtëpi ndaj Dritës, derisa ndihmës trajneri i Tahir Batatinas, Sunaji Keqi akuzoi kampionin se u ndihmua nga gjyqtarët e takimit.
Nga kjo rrjedhojë, Llapi do të marrë vendimin sonte nëse largohet nga ndeshjet e elitës së futbollit kosovar apo do të kërkojë opsione të tjera.
Më poshtë keni statusin e plotë (pa ndërhyrje):
Komunikatë për shtyp
Kryesia e K.F. Llapi mbledhet sonte urgjentisht dhe do të shqyrtoj seriozisht vazhdimin e garave.
Edhe pse po ndihemi keq si Kryesi dhe si familje që kemi investuar shumë në futbollin llapjan por ne nuk mund të vazhdojmë më me këtë tendencë ndaj klubit tonë, Llapit.
E dhimbshme të rikthehemi në Ligën e Parë por ne nuk mundemi më, ne do të vazhdojmë të investojmë në futboll por jo në këtë kohë që për kundërshtarë në fushën e lojës kemi këso gjyqtarë që shkelin mbi djersën e futbollistëve dhe mundin e shpenzimet marramendëse të donatorëve. /Telegrafi/