Burime të portalit Veriu.info të afërta me Llamkos Kosovën, bëjnë të ditur se lojtarët e Llamkos Kosovës ende nuk i kanë marrë rrogat e muajve janar, shkurt dhe mars të vitit 2014.
“Në klub na kanë thënë që deri më 15 prill do të na i bëjnë pagesat. Mbetet të shihet a do të realizohet një gjë e tillë”, thotë njëri nga tre lojtarët e kontaktuar nga Veriu.info, ku të gjithë e pranojnë që klubi ua ka borxh tri rroga, transmeton Veriu.info.
Veriu.info ka kontaktuar edhe me kryetarin e Llamkos Kosovës, Labinot Demi, i cili e ka mohuar kategorikisht një gjë të tillë, duke thënë që rroga e muajit shkurt është paguar me 5 mars. Edhe ai ka pranuar që ua kanë borxh lojtarëve tri rroga, por sipas tij bëhet fjalë për muajt mars, prill dhe maj, ku sipas tij rroga e marsit pritet t’iu jepet së shpejti lojtarëve.
“Nuk e di kush po dëshiron ta prish harmonin në klubin tonë, mirëpo ne i kemi kryer të gjitha pagesat ndaj trajnerit, lojtarëve dhe stafit tjetër të klubit”, ka thënë Demi.
Ai duke u mundur t’i hedh poshtë zërat e lojtarëve, duke thënë që klubi ka obligime vetëm për muajt mars, prill dhe maj. “Lojtarët ka kontrata për dhjetë muaj, ndërsa neve na mbetet t’ua paguajnë edhe rrogat e marsit, prillit dhe majit”, ka thënë kryetari Demi. /Tribuna/Telegrafi/