Mohamed Salah është futbollisti i momentit jo vetëm në Angli por edhe më gjerë.
Sulmuesi egjiptian ka shkëlqyer këtë edicion me Liverpoolin falë golave dhe asistimeve të tij.
25-vjeçari ka arritur të shënoj 43 gola në të gjitha garat dhe të bëjë 15 asistime.
Falë këtyre statistikave, Liverpool ka vendosur ta shpërblejë yllin e tyre me një kontratë të re.
The Reds i kanë ofruar një kontratë të re katër vjeçare Salahut që do ta mbante atë në Anfield deri në vitin 2022 por me përmirësim të pagës.
Paga aktuale e Salah te Liverpooli është rreth pesë milionë euro neto në vit.
Por me kontratën e re që pritet të nënshkruajë, Salah do të fitojë mbi 10 milionë euro neto në stinor.
Kjo do ta bënte egjiptianin njërin nga lojtarët më të paguar në elitën e futbollit anglez.
Përveç pagës vjetore, në kontratë do të jenë të përfshira edhe disa bonuse që do t’i sjellin miliona të tjerë reprezentuesit egjiptian.
Kujtojmë që ditë më parë Salah mori çmimin edhe si futbollisti i vitit në Ligën Premier.
Salah iu bashkua Liverpoolit nga Roma për një shumë rreth 50 milionë euro, ku 42 u paguan menjëherë dhe tetë të tjera në formë bonusesh. /Telegrafi/