Roberto Firimino do të vazhdoj të mbetet pjesë e Liverpoolit edhe për disa stinorë.
Sulmuesi brazilian ka shkëlqyer këtë edicion me ‘The Reds’ si në kampionat ashtu edhe në Ligën e Kampionëve.
Në gjysmëfinalen e Ligës së Kampionëve ndaj Romës, Firmino arriti të shënoj dy gola në fitoren e thellë të Liverpoolit 5-2.
Reprezentuesi i Kombëtares së Brazilit këtë edicion ka zhvilluar 49 ndeshje në të gjitha garat ku ka shënuar 27 gola dhe ka dhuruar 16 asistime.
Liverpool po mendon ta blindoj yllin e tyre duke i ofruar një kontratë të re afatgjate.
Skuadra nga Anfield i ka ofruar kontratë të re pesë vjeçare dhe me rritje page Firminos.
Nga gjashtë milionë euro sa fiton aktualisht në vit braziliani me kontratën e re do të fitojë mbi dy milionë euro më shumë në vit plus bonuset.
26-vjeçari iu bashkua Liverpoolit në verën e vitit 2015 nga skuadra gjermane Hoffenheim për 41 milionë euro.
Numri nëntë i Liverpoolit pritet të marrë ftesë edhe për Kampionatin Botëror, Rusia 2018 nga Kombëtarja e Brazilit. /Telegrafi/