Liverpooli blindon kapitenin, rinovon për shumë vite me Hendersonin

Jordan Henderson ka rinovuar kontratën e tij edhe për shumë vite me Liverpoolin.

Pas disa transferimeve të mëdha të bëra gjatë afatit kalimtar veror, Reds kanë kthyer mendjen edhe tek rinovimet e kontratave.

Është mesfushori anglez, kapiteni i ekipit, Henderson, i cili ka nënshkruar kontratë të re me Reds.

Lexo po ashtu Të gjitha lajmet rreth Liverpolit

Vitet e rinovimit të kontratës nuk janë bërë publike, por thuhet se është rinovuar për shumë vite.

“Jam shumë i lumtur që kam nënshkruar një kontratë të re për një periudhë të gjatë kohore. Jam absolutisht i kënaqur”.

“Nuk duket shumë kohë më parë kur e nënshkrova të parën – duket sikur dje, me të vërtetë – por shumë gjëra kanë ndodhur që atëherë”.

“Jam aq i privilegjuar që kam qenë pjesë e këtij klubi për kaq shumë kohë, dhe shpresoj që edhe më shumë tani”, ka thënë Henderson pas rinovimit.

Ndryshe, Henderson erdhi në Anfield nga Sunderland në verën e vitit 2011 dhe që nga ajo kohë ka bërë 284 paraqitje duke shënuar edhe 24 gola. /Telegrafi/