Site icon Telegrafi

Liverpool vuan, por falë het-trickut nga Salah mposhtin me vështirësi Leedsin

Romak Zeqiri

Liverpool. (Photo by Phil Noble - Pool/Getty Images)

Liverpool ka vuajtur shumë përballë skuadrës së rikthyer në elitë Leeds United, por në fund kanë marrë fitore me rezultat 4-3.

Liverpooli e nisi për mrekulli takimin, ku vetëm pas katër minutash lojë kaluan në epërsi kur Mohamed Salah shënoi nga penalltia për 1-0.

Gëzimi i vendasve nuk zgjati më shumë se tetë minuta, pasi Jack Harrison me një gol të bukur barazoi gjithçka 1-1.

Mohamed Salah . (Photo by Shaun Botterill/Getty Images)

Ishte minuta e 20-të e takimit, kur The Reds rikthyen epërsinë pas golit të shënuar nga Van Dijk.

Por mbrojtësi holandez bëri një gabim trashanik 10 minuta më vonë dhe Patrick Bamford shënoi për 2-2.

Megjithatë vendasit arritën të shënonin tre minuta më vonë me anë të Mohamed Salah për 3-2, me të cilin rezultat u mbyllën edhe 45 minutat e para të kësaj sfide.

Ishte minuta e 67-të e ndeshjes kur Helder Costa asistoi për Klich i cili me një goditje të fortë barazoi shifrat në 3-3.

Leeds United. (Photo by Paul Ellis – Pool/Getty Images)

Kur ndeshja po shkonte drejt barazimit, Liverpool fitoi edhe një penallti nga e cila i saktë u tregua Salah.

Egjiptiani shënoi golin e fitores dhe njëherit kompletoi het-trickun e parë për këtë edicion në Ligën Premier.

Kësisoj The Reds e nisin mbarë edicionin e ri, ndërsa Leeds United të rikthyer në elitë treguan se kanë potencial dhe do të jenë arrë e fortë për secilin kundërshtar. /Telegrafi/

 

 

 

 

https://twitter.com/ofutebolnews/status/1304825804224974848?ref_src=twsrc%5Etfw%7Ctwcamp%5Etweetembed%7Ctwterm%5E1304825804224974848%7Ctwgr%5Eshare_3&ref_url=https%3A%2F%2Ftelesport.al%2Fvideo-cfare-spektakli-van-dijk-rikthen-liverpoolin-ne-avantazh%2F

 

https://twitter.com/FootballGoalss_/status/1304829296989569025?ref_src=twsrc%5Etfw%7Ctwcamp%5Etweetembed%7Ctwterm%5E1304829296989569025%7Ctwgr%5Eshare_3&ref_url=https%3A%2F%2Ftelesport.al%2Fvideo-arroganca-e-van-dijk-terbon-alisson-dhe-i-fal-golin-leeds-salah-i-shpeton-nderin%2F

 

 

Exit mobile version