Ekipi vendas kaloi në avantazh të dyfishtë që në pjesë të parë. Sulmuesi Fernando Torres hapi rezultatin pas katër minutash lojë, ndërsa përforcimi i ri i verës, Glen Johnson, e dyfishoi atë në fund të pjesës të parë.
Edhe pjesa e dytë rezultoi me po dy gola për vendasit. Kësaj here Dirk Kuyt shënoi në minutën e 78-të, ndërsa një gol të vonshëm e shënoi David N’gog në fund të ndeshjes, për të deklasuar Stoke Cityn.
Fitorja e lartë është një shtytje për shpresat e Liverpoolit për titullin, të cilat pësuan goditje që në start, në javën e kaluar, kur të kuqtë u mposhtën nga Tottenhami në ndeshjen hapëse të sezonit.