Kosova e ka zhvilluar ndeshjen e parë për vitin 2022 duke u përballur me Burkina Fason (5-0) në stadiumin ‘Fadil Vokrri’ në Prishtinë.
Në fakt kjo ishte edhe sfida e parë e trajnerit francez Alain Griesse në krye të Dardanëve, i cili e nisi me një triumf të thellë.
Për Kosovën, kjo është sfida e dytë përballë Burkina Fasos, ku e para ishte zhvilluar në mars të vitit 2018, ku edhe atëherë Dardanët kishin fituar me rezultat 2-0.
Për gjithçka çfarë ndodhi para, gjatë dhe pas këtij takimi, keni mundur ta përcillni drejtpërdrejt në Telegrafi.com.
Përfundon ndeshja, Kosova 5-0 Burkina Faso
Kosova është treguar e pamëshirshme në ndeshjen miqësore kundër Burkina Fasos në stadiumin “Fadil Vokrri” në Prishtinë, ku fitoi me rezultat 5-0.
90′ Muslija godet shtyllën nga gjuajtja e lirë.
89′ Nuk mposhtet Ujkani. Portieri i Kosovës nuk lejon që të preket porta e tij.
78’ Realizues i golit të pestë, Toni Domgjoni lëshon fushën për Florian Loshaj.
77’ Supergoditje nga Edon Zhegrova, por mbron portieri vizitor.
Kosova po e deklason Burkina Fason
74’ Toni Domgjoni realizon nga një pozitë “e pamundur” dhe tashmë epërsia është shumë e lartë. Asistimi ishte nga Bytyqi.
73′ Largohet golashënuesi Mërgim Vojvoda, debuton për Kosovën Lumbardh Dellova.
Një tjetër golashënues lëshon fushën. Milot Rashica bën vend për Zymer Bytyqi.
Rashica rikthehet me gooooool
68’ I mrekullueshëm Milot Rashica nga ana e majtë bëri gjithçka vet dhe e realizoi golin e katërt për Kosovën.
Ujkani mbron penalltinë
65’ Samir Ujkani ka bërë një intervenim fantastik duke mbrojtur penalltinë e Burkina Fasos.
Penallti për Burkina Fason
64’ Lirim Kastrati ndërhyn në një lojtar kundërshtar në zonë dhe gjyqtari akordon penallti.
61’ Depërtim i Rashicës nga ana e majtë, por pasimi i tij ndërpritet në zonë.
59’ Ekzekutimi i rrezikshëm i një gjuajtje të lirë nga mysafirët që shkoi mbi portë.
Tjetër gooool… Kosova 3-0 Burkina Faso
53’ Një dalje e shpejtë e Zhegrovës në krahun e djathtë dhe një pasim fantastik drejt Rashicës, i cili u rrotullua dhe asistoi te Mërgim Vojvoda, ky i fundit e dërgoi topin në rrjetë.
50′ Fillim më i mirë i Burkina Fasos në gjysmën e dytë me disa përpjekje për të shënuar.
48′ Harkim i rrezikshëm në zonën tonë, por nuk e arrin asnjëri nga lojtarët kundërshtarë.
Fillon pjesa e dytë
46’ Ka nisur pjesa e dytë e ndeshjes miqësore ndërmjet Kosovës dhe Burkina Fasos në stadiumin “Fadil Vokrri” në Prishtinë.
Dardanët janë në epërsi të dyfishtë pas pjesës së parë me golat e Fidan Alitit dhe Astrit Selmanit.
Përfundon pjesa e parë, Kosova 2-0 Burkina Faso
Kosova i ka realizuar dy gola në pjesën e parë të ndeshjes miqësore kundër Burkina Fasos që po zhvillohet në stadiumin “Fadil Vokrri” në Prishtinë.
Fidan Aliti e ka kaluar Kosovën në epërsi, pas një asistimi nga Edon Zhegrova. Një harkim të anësorit nga e majta e priti në qendër mbrojtësi për të realizuar.
Astrit Selmani pranoi një top nga Milot Rashica dhe realizoi një supergol.
42′ Një nga daljet e rralla të vizitorëve në zonën e nikoqirëve.
36′ Vazhdon dominimi i Kosovës në sfidën miqësore kundër Burkina Fasos që po zhvillohet në kryeqytet.
26’ Tri mundësi të njëpasnjëshme të skuadrës mysafire, por Samir Ujkani intervenoi për mrekulli.