Liridon Krasniqi nuk do të jetë më pjesë e skuadrës së famshme Kedah të Malajzisë.
Kjo e fundit duket se po mendon që të angazhojë në të ardhmen futbollistin e Kosovës në përfaqësuesen e tyre.
Ai është në listën e Federatës së Futbollit të Malajzisë si kandidat potencial për të veshur fanellën e këtij vendi.
Kështu ka bërë të ditur zëvendëskryetari i Federatës së Malajzisë, Datuk Yosoff Mahadi.
“Kemi një listë të lojtarëve të huaj që po i vëzhgojmë. Liridon Krasniqi është në listën tonë. Lista përbëhet nga lojtarë të huaj që kanë trashëgimi malajziane ose kanë luajtur në vend për katër apo më shumë vjet”.
“Krasniqi është i etur për të përfaqësuar Malajzinë. Nëse Krasniqi luan edhe një sezon në ‘M-League’, atëherë ai mund të jetë i kualifikuar”, ka thënë Yusoof për “nst”.com.my”.
Ndryshe, Liridoni ka të drejt të luajë për shtetin aziatik pasi që nga pranimi i Kosovës në organizatat ndërkombëtare të futbollit – UEFA dhe FIFA, asnjëherë nuk ka veshur fanellën e përfaqësueses sonë. /Telegrafi/