Marcello Lippi ka dhënë miratimin e tij për Roberto Mancinit që të bëhet trajner i Kombëtare së Italisë, pasi sipas tij ai është trajner i madh me përvojë të mrekullueshme”.
Kombëtarja Italiane është pa trajner që nga shkarkimi i Giampiero Venturas pas dështimit për t’i kualifikuar Italinë në Kupën e Botës “Rusia 2018”.
Mediat italiane janë lidhur me shumë emra të njohur të treningut ndër ta Carlo Ancelotti, Antonio Conte dhe Claudio Ranieri.
Megjithatë, Mancini është favorit i qartë për të mbushur vendin e lirë të Italisë, me trajnerin e Zenit St Petersburg, që nuk ka bërë asnjë sekret të dëshirës së tij për të pranuar punën dhe FIGC konfirmon se ka qenë në kontakt me 53-vjeçarin.
“Mancini është një trajner i madh me eksperiencë të madhe ndërkombëtare”, ka thënë Lippi, i cili udhëhoqi Azzurrët drejt trofeut në Kupën e Botës në vitin 2006.
“Të tre emrat që janë paraqitur, mendoj, janë mirëpritur nga tifozët: Ancelotti, Mancini dhe Ranieri. Kishte edhe një diskutim për Gasperini”.
“Nëse është Mancini, sigurisht ai do të jetë një trajner me eksperiencë të madhe ndërkombëtare”.
“Ai ka menaxhuar shumë kampionë të mëdhenj përpara, dhe mua më duket se ai ka dëshirë të madhe për të trajnuar skuadrën e Italisë. Kjo është kërkesa minimale”, përfundoi trajneri italian. /Telegrafi/