Lionel Messi mban konferencën e parë në Parc des Princes si lojtar i PSG-së

Lionel Messi është prezantuar tashmë zyrtarisht duke mbajtur konferencën e parë në stadiumin Parc des Princes pas konfirmimit të tij si lojtar i ri i Paris Saint-Germain.

PSG konfirmoi dje (e martë) gjatë mbrëmjes zyrtarisht transferimin e Messit si lojtar i lirë.

Messi nënshkroi një marrëveshje dy-vjeçare me PSG-në me opsion për të vazhduar për një vit të tretë.

Lexo po ashtu Kontrata e Messit me Paris Saint-Germain përmban klauzolë speciale për Argjentinën

Ylli argjentinas thuhet se do të fitojë plot 35 milionë euro në vit te klubi francez, ndërsa transferimi i tij është pritur me entuziazëm të madh nga të gjithë.

Pritjes tani i ka ardhur fundi dhe Messi është prezantuar zyrtarisht me konferencë në stadiumin e klubit “Parc des Princes”.

Në konferencë, Messi u prezantua së bashku me presidentin Nasser Al-Khelaifi dhe drejtorin Leonardo.

Aty ishin edhe gruaja dhe fëmijët e Messit, teksa interesimi i mediave ishte shumë i madh.

Më poshtë keni disa fotografi dhe video nga prezantimi zyrtar i Messit në Parc des Princes. /Telegrafi/