Përfaqësuesja e kompanisë ajrore Hervetic, Nafalie Scheurer tha se kjo kompani në të ardhmen e afërt do të zgjerojë fluturimet Prishtinë- Bern, linjë kjo e cila fillimisht do të realizohet çdo të hënë.
Drejtori menaxhues i Limak Kosovo International Airport, Ferda Yakar theksoi se kompania Limak do të angazhohet vazhdimisht që pasagjerëve te ANP-së t’u ofrojë shërbime cilësore.
“Ne do të mundohemi të rrisim fluturimet, gjithashtu të rrisim edhe fluturimet për Bern dhe Zvicër, dhe mendoj që do të kemi sukses në 20 vitet e ardhshme. Ne do të zhvillojmë këtë aeroport aq sa kemi mundësi dhe besojmë se do t’i rrisim fluturimet në të ardhmen”, theksoi Yakar. /Telegrafi/