Lindon artisti i njohur nga Shkupi ka publikuar një fotografi ku shihet krah yllit maqedon, Elena Risteska.
Dyshja shihen krah njëri tjetrit në një studio muzikore dhe duket se diçka po zihet mes tyre.
Nuk dihet nëse bëhet fjalë për ndonjë bashkëpunim muzikor apo artisti ka punuar ndonjë projekt për Elenën, duke ditur se kohëve të fundit Lindon së bashku me Darko Dimitrov kanë bashkëpunuar në disa krijime për artistë të njohur.
Ndryshe Elena është këngëtare e njohur në tregun ballkanik si dhe është këngëtarja që ka dërguar Maqedoninë më së larti me pikë në Eurovizion.
