Lindon Selahi ka vazhduar shkëlqimin në elitën e futbollit kroat me fanellën e liderit Rijeka.
Mesfushori shqiptar realizoi golin e tretë për skuadrën e tij në udhëtim përballë Rudes, duel që Rijeka e fitoi me rezultat të thellë 3-0.
Ishte minuta e 56-të kur 25-vjeçari i lindur në Belgjikë tundi rrjetën kundërshtare, duke vulosur triumfin e ekipit të tij.
Rijeka kryeson në Superligën e Kroacisë dhe është në rrugën e duhur për t’u rikthyer te titulli pas shtatë vitesh.
Lindon Selahi makes it 3-0 with a lovely strike from outside of the box and it is game over.
Ball finds Mitrović who lays it off for Lindon Selahi who nets a beauty and scores his 4th goal of the season. 🚨pic.twitter.com/O4G1EIgfGz
— 🇭🇷 (@TheCroatianLad) March 30, 2024
Ndërkohë, ky ishte goli i katërt sezonal në kampionat për mesfushorin shqiptar.
Mesfushori debutoi me kombëtaren kuqezi në tetorin e vitit 2019 dhe deri më tani numëron katër ndeshje me Shqipërinë, por çuditërisht nuk u ftua fare nga Sylvinho për ndeshjet miqësore të muajit mars. /Telegrafi/