Artistja e njohur shqiptare, Linda Halimi, ka reaguar për vrasjen e 21-vjeçares nga Ferizaj e cila dyshohet se u qëllua me armë zjarri nga ish-bashkëshorti i saj.
Përmes një postimi në ‘InstaStory’, Halimi reagoi siç duket e revoltuar me rastin.
“Çka po ndodh? Çdo ditë dëgjoj për vrasjen e një gruaje në Kosovë! A kaq inat i keni marrë gratë? Vini në jetë nga një grua dhe vrisni nënat tuaja? Gratë tuaja? Motrat tuaja? Vajzat tuaja?”, u shpreh këngëtarja përmes postimit të saj.
“A e sheh në çfarë gjendje jemi ardhë si popull? A s’keni hiq turp?”, deklaroi mes tjerash.
Ngjarja e 21-vjeçares nga Ferizaj tronditi të gjithë, pasditen e së premtes.
I gjithë rasti kishte ndodhur në Qendrën për Punë Sociale në Ferizaj, ku ish-bashkëshorti i saj dyshohet se ka qëlluar drejt tashmë të ndjerës; i plagosur ka mbetur edhe vëllai i saj 15-vjeçar.
Prokuroria Themelore në Ferizaj i ka shqyrtuar ish-bashkëshortit të saj masën e paraburgimit prej një muaji. /Telegrafi/