Një djalë i vogël është pjesëtari më i ri i një “familje ujk”. Djali ka trashëguar problemin gjenetik të nënës së tij.
Krahët, fytyrën, trupin i ka të mbuluara me një shtresë qimesh, që me kalimin e viteve ashpërsohen.
Kjo sëmundje e njohur si “Universalis Hypertrichosis” , prek 1 në një miliard njerëz në mbarë globin.
Nëna e fëmijës, Manisha Sambhaji Raut, 22 vjeç nga Pune e Indisë Qendrore është e trishtuar pasi djali i saj ka trashëguar të njëjtin problem gjenetik që asaj i ka shkatërruar jetën.
“Unë gjithmonë isha e neveritur kur shihja veten në pasqyrë dhe tani unë pyes veten se si fëmija im do të përballet me të njëjtën traumë”, thotë ajo.
22-vjeçarja thotë gjithashtu se të njëjtën sëmundje kishin dhe motrat e saj, ku shpesh herë ato i vinin njëra tjetrës nofka të ndryshme si fantazmë, ari, majmun. Por ajo nuk e kishte ditur se një sëmundje të tillë do ta trashëgonte edhe djali i saj.
“Ai është fëmija im dhe unë do ta dua atë pa kushte ashtu siç nëna ime u kujdes për mua, pa marrë parasysh pamjen. Dëshira më e madhe është që fëmija im të rritet si një fëmijë normal,” thotë ajom, transmeton tvklan.
Për këtë sëmundje të njohur si Sindroma Ujk, ose “Universalis Hypertrichosis”, mjekët thonë se nuk ka shërim.