Ministri i Politikës Sociale, Demografisë dhe Rinisë, Fatmir Limani ka njoftuar se është miratuar ligji për rritjen e pensioneve prej pesë mijë denarëve.
Ai në Facebook shkruan se pensionistët meritojnë edhe më shumë, përcjell Telegrafi Maqedoni.
“Një hap përpara për mirëqenien e pensionistëve! U miratua ligji për rritjen e pensioneve prej 5000 denarëve! Ky vendim është një tjetër dëshmi se #NdryshimiVLEN kur punojmë për të përmirësuar jetën e qytetarëve tanë. Pensionistët tanë meritojnë më shumë, dhe ne jemi këtu për të siguruar që përkushtimi dhe puna e tyre ndër vite të shpërblehen”, ka shkruar Limani.