Kryetari i NISMA-s Fatmir Limaj ka thënë gjatë shqyrtimit të projekt buxhetit për vitin 2015 se qytetarët janë gënyerë për rritjen e pagave. Sipas tij, buxheti i propozuar nuk është një buxhet i cili mund të sjellë zhvillim dhe punësim.
“Projektbuxheti për vitin 2015, është buxhet i Qeverisë së kaluar pa ndyshuar as gjë. Ai tha se nuk kemi buxhet zhvillimore dhe me teori të vjetra buxhet i varfërisë, i cili nuk e qon vendin drejt zhvillimit”, theksoi ai.
Limaj tha se ky është buxhet i pashpresë i cili vendin po e qon drejtë një gjendje më të keqe. “Nuk ka gjë më të rëndësishme se sa buxheti dhe nuk duhet të përshpejtuar kështu sidomos për një Qeveri të re”, tha Limaj.
Ai tha se me buxhetin 2015, nuk ka rritje të pagave dhe qytetarët janë gënjyer për rritje të pagave. “Me këtë buxhet nuk do të ketë rritje të pagave, po ashtu nuk do të ketë punësim dhe investime. Mungesa e investimeve tregon për politiken ekonomike të këtij vendi”, tha Limaj
Ai e ka kritikuar numrin e madh të ministrave si dhe për numrin e madh të zëvendësministrave që do ti ketë Qeveria Mustafa. /Telegrafi/