Limaj me mesazh urimi për Kurban Bajrami, bën thirrje për kujdes të shtuar për shkak të pandemisë

Elfije Boletini

4 years ago

Kryetari i Nisma Socialdemokrate, Fatmir Limaj ka uruar qytetarët për festën e Kurban Bajramit.

Limaj përmes një postimi në rrjetin social në Facebook ka shkruar se sikurse Fitër Bajrami edhe Kurban Bajrami e ka gjetur Kosovën dhe botën duke u përballur me situatën pandemike.

Ai iu bëri thirrje qytetarëve që të shmangin vizitat familjare duke iu përmbajtur të gjitha rekomandimeve të IKShPK-së dhe BIK-ut.

“Të gjithë besimtarëve të besimit myslimanë, në emrin tim dhe të Nismës Socialdemokrate ua uroj festën e Kurban Bajramit. Sikurse Fitër Bajrami edhe Kurban Bajrami po e gjenë vendin tonë dhe botën në përgjithësi duke u përballur me pandeminë COVID-19. Andaj, iu bëj thirrje të gjithë qytetarëve që të shmangin vizitat familjare, dhe këtë̈ festë ta kalojmë konform udhëzimeve të Institutit Kombëtar të Shëndetësisë Publike dhe të Bashkësisë Islame të Kosovës. Gjithsesi, uroj që në këtë ditë feste, në familjet tuaja të mbretërojë paqja, mirëqenia e harmonia! Urime festën e Kurban Bajramit”, ka shkruar Limaj. /Telegrafi/