Lil Wayne ka folur hapur për betejat e tij me shëndetin mendor dhe momentin në jetë që e bëri të kuptojë se kjo ishte një çështje që ai po luftonte brenda vetes.
Tani, reperi ka dhënë detaje specifike mbi një tentativë vetëvrasjeje kur ishte 12 vjeç.
Gjatë një interviste të fundit, që u shfaq premierë në YouTube të dielën (15 gusht), Wayne foli për momentin që donte t’i jepte fund jetës së tij.
Lil tha se fillimisht e kishte vënë re që shëndeti i tij mendor u bë i paqëndrueshëm rreth moshës 10-vjeçare dhe përfundimisht sëmundja kishte përparuar tek idetë për vetëvrasje.
Por, pikën kritike e pësoi pas një situate të trazuar me të ëmën, kur ajo i nënvlerësoi ambiciet e tij për t’u bërë reper dhe e kërcënoi se do ta shkatërronte një dosje me materialet e tij muzikore.
Ai e shpjegoi gjithë procesin e tentim vrasjes duke treguar se fillimisht e kishte telefonuar policinë, pastaj e kishte marrë armën e së ëmës dhe kishte shtënë mbi gjoksin e tij. I njëjti kishte humbur vetëm ndjenjat dhe më pas u zgjua nga zhurmat e policëve që po trokisnin në derën e dhomës së nënës së tij.
Wayne ia dha meritat një polici të njohur me nofkën Uncle Bob, që ia kishte shpëtuar jetën duke kujtuar se si ai i kishte thënë vazhdimisht, “Nuk të lë të vdesësh”.
Ylli i hip hop-it më tej diskutoi rreth ndikimit të famës në shëndetin mendor, duke thënë se gjatë turneve të tij muzikor, pas çdo koncerti, luftonte me ndjenjën e vetmisë, duke pyetur veten nëse njerëzit përreth tij gjendeshin aty vetëm për të përfituar nga fama e reperit. /Telegrafi/