Likaj për fillimin e procesit mësimor: Bashkë ia arritëm t’i mbajmë shkollat e hapura

Jehona Hulaj

4 years ago

Ministri në detyrë i Arsimit, Ramë Likaj ka uruar nxënësit për rifillimin e procesit mësimor duke thënë se pas është lënë një vit aspak i lehtë.

Likaj përmes një postimi në Facebook, ka shkruar se pavarësisht sfidës me pandeminë, është arritur që të përmbyllet një vit me shumë të arritura në arsim.

Postimi i plotë:

Të dashur nxënës dhe mësimdhënës,

Të dashur qytetarë të Kosovës,

Po lëmë pas një vit aspak të lehtë për ne, për gjithë botën! Megjithatë, edhe në kushte të tilla të pandemisë COVID-19, ne arritëm ta përmbyllim këtë vit me shumë të arritura në arsim. Bashkë arritëm t’i mbajmë shkollat hapur për fëmijët tanë, por edhe të punojmë për ngritje të cilësisë në arsim, krahas përkushtimit që ta menaxhojmë situatën.

Tash, kur po përshendetemi më këtë vit të vështirë, dua të falënderoj nxënësit, mësimdhënësit, prindërit, stafin e MASh, DKA-ve, SBAShK-ut, Këshillit të Prindërve dhe të gjitha institucionet, shoqërinë civile dhe mediet, që mundësuan një vit të sukseshëm në arsim edhe pse në kushte të vështira!

Paçim një vit të ri me shëndet e shumë suksese!

GËZUAR 2021! /Telegrafi/