Deputetët izraelitë kanë miratuar një projektligj shumë të diskutueshëm, pavarësisht protestave masive që synonin ta pengonin atë.
Ligji heq kompetencën e Gjykatës së Lartë për të anuluar veprimet e qeverisë që i konsideron të paarsyeshme, shkruajnë mediat e huaja, përcjell Telegrafi.
Kjo është e para në një seri reformash të kontestuara ashpër që synojnë të frenojnë fuqinë e gjykatave.
Reformat e planifikuara kanë shkaktuar disa nga protestat më të mëdha në historinë e Izraelit, me kundërshtarët që paralajmërojnë se rrezikojnë Izraelin si një demokraci.
Qeveria argumenton se masat janë të nevojshme për të korrigjuar një çekuilibër në pushtet, i cili ka parë që gjykatat të ndërhyjnë gjithnjë e më shumë në vendimet politike në dekadat e fundit.
Disa orë para votimit përfundimtar, policia përdori “topa uji” dhe arrestoi protestues jashtë parlamentit të Izraelit (Knesset) në Jerusalem.
Votimi vjen pas shumë protestash, me presidentin e Izraelit që paralajmëroi udhëheqësit politikë të hënën se vendi ishte “në një gjendje të jashtëzakonshme kombëtare”. /Telegrafi/