Deputetët sot gjatë ditës, votuan për harmonizimin e Ligjit për Sponsorizime në Fushën e Kulturës, Rinisë dhe Sportit, me Projektligjin për Tatimin në të Ardhurat e Korporatave.
Nënkryetari i AAK-së, Ahmet Isufi, që njëherësh është shef i deputetëve të kësaj partie, votimin e Ligjit për Sponsorizime në Sport e ka quajtur si çështje të madhe për sportin e kulturën e vendit.
“Deputetët janë të zgjedhurit e popullit andaj mbi gjitha duhet të shikojnë interesat qytetare. Sot, deputetet votuan një nga Ligjet më të rëndësishme për sportistët, artistët e rininë tonë duke harmonizuar Ligjin për të ardhura në korporata me Ligjin për sponsorizim”, ka thënë Isufi.
Ai ka theksuar se ky Ligj do t’ju jep mundësi talenteve dhe do ti hap rrugë këtyre kategorive në përgjithësi për të na përfaqësuar edhe më denjësisht në arenën ndërkombëtare.
“Sportistët e artistët tanë shumë herë na kanë bërë krenar me rezultatet e tyre duke lartësuar flamurin tonë më lart se shtete të mëdha disa prej të cilave ende nuk na kanë njohur si shtet”, ka shkruar Isufi në Facebook./Telegafi/
