Qeveria e Kosovës dhe Zyra e BE-së janë përplasur për përmbajtjen e Ligjit për investimet strategjike. Kundërshtimi i Zyrës së BE-së ka qenë me më pak diplomaci sesa në rastet e kaluara, shkruan sot Koha Ditore.
Përplasjet janë bërë në një tryezë të organizuar nga Grupi për Studime Juridike dhe Politike dhe Instituti GAP me temën “Ligji i ri për investime strategjike, dobitë dhe rreziqet eventuale”.
Përfaqësuesi i BE-së, Cezary Michalzuk, ka thënë se imazhi i Kosovës, situata politike dhe perceptimi për korrupsion janë pengesat kryesore që ka Kosova për tërheqjen e investimeve të huaja. /Telegrafi/