Lidhja demokratike përmes një kumtese të lëshuar, thotë se marrëveshja e arritur është mundësi historike dhe se Kryetari Gjorgje Ivanov duhet të nënshkruaj, në të kundërtën ai do ketë pasoja ligjore për keqpërdorim të pozitës zyrtare.
“Pas rivotimit të Ligjit për ratifikim mes Maqedonisë dhe Greqisë, Kryetari Gjorgje Ivanov, ka obligim kushtetues të nënshkruajë dhe në këtë mënyrë do ti debllokojë proceset për anëtarësim të plotë në NATO dhe fillim të bisedimeve për hytje në Bashkimin Evropian.
Nëse nuk e nënshkruan Ligjin për ratifikim, duhet të jap dorëheqje, në të kundërt do të ballafaqohet me përgjegjësi lidhur me keqpërdorim të pozitës zyrtare, si gjitha qytetarët që e thyejnë Kushtetutën dhe ligjet.
Lidhja Demokratike vleëson se kjo është mundësia historike, me të cilën hapen perspektivat për Maqedoninë, dhe duhet ta shfrytëzojmë për reforma konkrete dhe zhvillim ekonomik”, thuhet në kumtesën e LD-së.