Presidenti i Kosovës, Hashim Thaçi ka uruar për golin të cilin e shënoj Kosova ndaj Danimarkës.
Në një status në rrjetin social Facebook, Thaçi ka shkruar se Dardanëve i duhej një gol për ta ndezur më shumë atmosferën.
“Një goool i mrekullueshëm i Amir Rrahmanit. I duhej lojtarëve ky gol, i duhej Dardanëve për ta ndezur edhe më shumë atmosferën në stadiumin “Fadil Vokrri”. Forca djema, Kosova do fitore”, ka shkruar Thaçi.
Ndryshe Kryeministri i Kosovës, Ramush Haradinaj, përmes disa fotografive të postuara në rrjetin social Facebook, ka treguar se është duke e ndjekur nga afër ndeshjen së bashku me gruan e tij.
“Me ty Kosovë, në çdo përballje. Vazhdojmë me fitore”, ka shkruar Haradinaj./Telegrafi/
