Liam Hemsworth dhe Gabriella Brooks janë duke e shijuar aq shumë lidhjen e tyre saqë as një pandemi globale nuk mund t’i ndajë.
Ndërsa coronavirusi ka mbërthyer Australinë, ylli i Hollywoodit, 30-vjeç dhe e dashura e tij modele, 23-vjeçe, shkuan për surfim të enjten në afërsi të shtëpisë së aktorit në ishullin Filip, pak më larg bregdetit të Melbourne.
Duke mos treguar shenja stresi, çifti duken mëse të dashuruar ndërsa zhyten nëpër valë së bashku.
Në një fotografi, ata madje u panë duke ndarë një puthje, teksa notonin në dërrasat e tyre të surfimit.
Liam dhe Gabriella ishin parë në publik së bashku në dhjetor të vitit të kaluar, gjersa po darkonin me prindërit e Hemsworth, Craig dhe Leonie, në Bayon Bay.
Dhe vetëm pak muaj nga romanca e tyre, ata po vazhdojnë të jenë sa më pranë njëri-tjetrit, sipas Us Weekly.
“Ai ndjehet shumë më mirë me Gabriella se sa me ish-gruan e tij, Miley Cyrus”, ka thënë një burim.
“Gabriella e ndihmoi Liam ta besojë atë dhe luajti një rol të rëndësishëm në jetën e tij pas ndarjes nga Cyrus”.
“Ata janë shumë të lumtur së bashku dhe ndihen shumë rehat”.
“Ata kanë kaluar shumë kohë në Australi së bashku. Gabriella ka takuar motrat e Liamit dhe prindërit e tij”, përfundon burimi. /Telegrafi/
