Modelet e Samsung Galaxy Tab 4 të cilat janë lëshuar në muajin prill ofrojnë mundësinë e lidhjes në rrjetet LTE, ndërsa këto të LG-së nuk e kishin këtë opsion për përdoruesit.
Megjithatë, tani LG ka njoftuar se është në përgatitje të versioneve të reja të tabletëve G Pad, përkatësisht modelin G Pad 8.0, i cili do të ofrojë mbështetje edhe për rrjetin LTE.
Përveç përfshirjes së mbështetjes për LTE, LG G Pad 8.0 nuk ndryshon nga versioni i rregullt, i cili ofron ndërfaqe shumë të mirë dhe funksionet tjera që mund të gjenden edhe në telefonin e saj të ri, LG G3, sikurse Touch & Shoot, Smart Keyboard, Gesture Shot, dhe Knock Code. (Telegrafi)