Robert Lewandowski ka luajtur kundër shumë mbrojtësve në karrierën e tij, por ka vendosur t’i zgjedh vetëm tre si më të vështirët me të cilët është përballur.
Sulmuesi polak ka shënuar 199 gola në Bundesliga nga 283 paraqitje, ndërsa shumë gola tjerë ka shënuar në garat evropiane.
Gjatë karrierës së tij, Lewa është përballur me shumë mbrojtës të fortë, por tre nga ta i ka veçuar si më të vështirë për të luajtur ndaj tyre.
“Në Ligën e Kampionëve ka qenë Sergio Ramos”, ka thënë fillimisht Lewandowski për Kicker.
“Ai është një qendërmbrojtës i madh, jo vetëm mbrojtës, por edhe me topin”.
“Në Bundesligë, Jerome Boateng dhe Mats Hummels”.
“Kjo ishte gjithmonë një sfidë dhe jo e lehtë për të luajtur kundër tyre”, përfundoi polaku. /Telegrafi/