Robert Lewandowski thuhet se është i shqetësuar me situatën e tij te Bayern Munichu dhe nuk po e ndjen dashurinë e nevojshme nga klubi gjerman.
Sipas gazetës gjermane Bild, Lewandowski nuk ndihet i vlerësuar te Bayerni, me gjigantët e Bundesligës që e kanë pritur deri në fund vendimin e Erling Haaland, i cili do të transferohet te Manchester City.
Pasi e humbën sulmuesin norvegjez, gjigantët gjermanë tani mund të humbasin edhe sulmuesin polak, i cili është lidhur me Barcelonën gjatë verës.
Pritja e yllit të Dortmundit dhe sjellja jashtëzakonisht hezituese në të njëjtën kohë kur bëhej fjalë për zgjatjen e kontratës, e ka shqetësuar shumë Lewandowskin.
Kjo thuhet se është një nga arsyet kryesore pse Lewandowski nuk ndihet më plotësisht i vlerësuar në Bayern dhe do të donte të largohej nga klubi këtë verë, pavarësisht kontratës deri në vitin 2023.
Nëse klubi i ëndrrave, Barcelona bëhet serioz, do të jetë emocionuese të shihet nëse Bayern vërtet i qëndron mbrapa vendimit për mos-shitjen e yllit polak.
Përfundimi i sezonit apo më saktë muaji qershor pritet të sqaroj gjithçka sa i përket të ardhmes së ‘makinerisë së golave’. /Telegrafi/