Lëvizja Besa përmes një kumtese për media ka reaguar ndaj kërcënimeve të kandidatit të saj në Komunën e Sarajit, Bashkim Bakiu.
Nga partia opozitare thonë se nuk frikësohen nga këto kërcënime, pasi siç thonë kanë përkrahjen e shqiptarëve, njofton Telegrafi Maqedoni.
“Këto kërcënime nuk na frikojnë, e as nuk na zmbrapsin në arritjen e synimit tonë, sepse ne kemi përkrahjen e shqiptarëve. Koha e kërcënimeve të këtilla ka perënduar, në momentin që është përgjysmuar forca e partive që kanë promovuar fushatë me kërcënime dhe incidente. Vlerësojmë se ky paraqet tentim të dështuar për të krijuar terren për dhunë parazgjedhore. Shqiptarët janë ngopur nga dhuna dhe parregullsitë zgjedhore, prandaj me dalje masive në zgjedhje, do të parandalojnë çdo tentim për parregullsi, nga kushdo qoftë i stimuluar”, thonë nga Lëvizja Besa.
Nga kjo parti ju bëjnë thirrje organeve kompetente të reagojnë menjëherë, kurse përfaqësuesit e bashkësisë ndërkombëtare të jenë vigjilent në funksion të angazhimit të tyre./Telegrafi/
