Lëvizja Anti-bixhoz nga Tetova sot përsëri alarmoi se ka fotografi brengosëse së nga objektet ku ka lojëra të fatit vërehet prania e fëmijëve.
“Pas gjitha ankesave, protestave dhe përpjekjeve të shumta të ndërpritet kjo fatkeqësi, secilën ditë hapen objekte të reja për bast. Jemi dëshmitarë se ka fëmijë në këto objekte, ndërsa tragjedia më e madhe që në këto objekte shihen edhe foshnja që merren nga prindërit”, deklaroi Xhemal Abdiu nga Lëvizja Anti-bixhoz, përcjell Telegrafi Maqedoni.
Ata bëjnë thirrje që autoritetet të zbatojnë më shumë kontrolle në këto objekte.
“Kishim takim me drejtorin e inspektoratit shtetëror tregtar, i cili na dha premtim se do të ketë kontrolle në këto objekte. Por, vetëm pas dy ditëve inspektorati e humbi luftën dhe ndaloi me kontrolle. Për këtë shkak pyesim se kush qëndron pas këtij urdhri dhe ndalon të zbatohet ligji ekzistues”, theksoi Abdiu.
Kërkesat e Lëvizjes Anti-bixhoz është që objektet e lojërave të fatit të jenë tre kilometra jashtë vendbanimeve dhe të ndahet 5% ngabuxheti i lojërave të fatit për rinovimin e objekteve e interesit publik, si dhe të krijohet strategji shtetërore për edukimin rreth rreziqeve që sjell bixhozi./Telegrafi/