Bayer Leverkuseni e ka mposhtur Bayern Munichun (2-1) në BayArena, në kuadër të javës së 25-të në Bundesliga.
Rezultati u zhbllokua në minutën e 22-të nga Joshua Kimmich, i asistuar nga Leon Goretzka dhe me epërsi minimale të mysafirëve, skuadrat shkuan në pushim.
Në fraksionin e dytë, vendasit u rikthyen duke e barazuar rezultatin me golin e Exequiel Palacios nga pika e bardhë (53’).
Një tjetër penallti u akordua për nikoqirët dhe sërish i saktë nga pika e bardhë ishte Palacios (73’).
Deri në mbyllje të takimit, bavarezët nuk ia dolën të shënonin gol tjetër dhe kështu përjetuan humbjen e tretë sezonale.
Pas kësaj humbjeje, Bayern Munichu ka mbetur një pikë prapa Borussia Dortmundit në tabelën e Bundesligas.
Bayer Leverkuseni është ngritur në kuotën e 37 pikëve dhe në vend të tetë për të vazhduar garën për pozitat evropiane. /Telegrafi/