Ministrja e Punëve të Jashtme dhe Diasporës, Donika Gërvalla-Schwarz, ka shpërndarë një letër të veçantë të babait të saj, Jusuf Gërvalla.
Letra i ishte dërguar nënës së tij, Ajshes, në vitin 1980 nga Gjermania.
Në një pjesë të letrës, Gërvalla citon: “Rruga e nderës asht ma e zorshmja, po ma e mira dhe e vetmja rrugë e vërtetë për njërin. Dhe, kush u mundue për nder, nder ka gjetë!”
“Në ditëlindjen e tij të 79-të, më lejoni të ndaj me ju letrën që Babi (Jusuf Gërvalla) i dërgon nënës së tij, Nënës Ajshe,” tha Gërvalla, duke theksuar rëndësinë e mesazhit të tij.
Më 17 janar të vitit 1982, në Untergrupenbah të Gjermanisë vriten vëllezërit Jusuf dhe Bardhosh Gërvalla, si dhe Kadri Zeka.
Bardhoshi dhe Kadriu vdesin në vendin e ngjarjes, Jusufi më vonë.
Kjo letër përshkruan vlerat e nderit dhe përkushtimit, që kanë karakterizuar jetën dhe veprën e Jusuf Gërvallës./Telegrafi/
