Carmen, një vajzë gjashtë vjeçare, ka prekur zemrat e të gjithëve përmes një letre që i dërgoi Babadimrit të Vitit të Ri gjatë vizitës së saj në qendrën tregtare Apollo Casapulla në provincën Caserta, Itali.
Mes rreshtave, vogëlushja i kërkon Babadimrit t’i plotësojë dëshirën e saj më të madhe: t’i gjejë një punë babait të saj në mënyrë që ai të jetë i lumtur.
Apollo ka publikuar letrën e Carmen në Facebook, në të cilën shkruhet:
“I dashur Babadimër, dua të të them se këtë vit jam treguar një vajzë e mbarë, e kam dëgjuar gjithmonë mamin dhe në shkollë kam marrë vetëm 10-ta. Për Krishtlindje dua që babi im të gjejë një punë, që të jetë i lumtur”.
Vetëm në fund të letrës vajza e vogël guxon të kërkojë një lodër “Balerinën Giulia”, transmeton oranews.
Në postimin i cili deri tani ka marrë mbi një mijë share, stafi i Apollo shkruan:Të enjten e kaluar, gjatë vizitës së tij në qendrën e kom Apollo, Santa ka marrë këtë letër … sot na kërkoi që ta gjeni këtë vajzë të ëmbël me emrin Carmen për shkak se ai ka përgatitur një surprizë për të … Nëse ju lexoni këtë mesazh dhe e njihni Carmen na kontaktoni. Faleminderit”