Gazeta e njohur franceze L’Equipe shkruan se Federata Shqiptare dhe ajo e Kosovës kanë paraqitur një projekt të përbashkët në UEFA dhe FIFA për një turne .
Shqipëria dhe Kosova duan të organizojnë së bashku “Kupën Nënë Terezë”, në të cilën klubet e tre divizioneve të para të të dy vendeve do të përballeshin me njëra-tjetrën.
Federatat shqiptare dhe ajo kosovare “i dërguan një letër UEFA-s dhe FIFA-s për të propozuar organizimin e përbashkët të Kupës Nënë Tereza”, ka thënë Alban Tartari.
Shqipëria dhe Kosova do të donin që fituesi i këtij trofeu të kualifikohej në Ligën e Evropës, shkruan L’Equipe.
“Dy Federatat janë në pritje të një përgjigje,” ka thënë zëdhënësi i FSHF-së. Mediumi është munduar ta kontaktojë edhe dikë nga FFK-ja, por nuk ia ka arritur.
Sidoqoftë, presidenti i FFK-së, Agim Ademi kishte deklaruar në dhjetor për të përditshmen Zëri që të dy Federatat kishin planifikuar të “krijonin një Kupë të përbashkët” me emrin e “Nënës Terezë”, për nderë të shenjtores shqiptare të lindur në vitin 1910 në një familje shqiptare të Shkupit. /Telegrafi/