Këngëtarja leonora Poloska është mjaft e pëlqyer nga publiku shqiptar, ndonëse viteve të fundit nuk ka qenë edhe aq aktive me projekte muzikore.
Sido që të jetë, këngëtarja ka rrëfyer së fundmi në një intervistë ekskluzive për Telegrafin se planifikon që të shumë shpejt të publikojë këngën e saj më të re.
Duke qenë një vokal i fuqishëm, e pytur nga Telegrafi nëse do kishte dëshirë ta përfqaësonte Shqipërinë një ditë në ‘Eurovision’, Leonora u shpreh:
“Kam pasur oferta për Shqipëri, mirëpo duke e marrë parasysh faktin që në vitin 2002 në Estoni kam qenë si vokal përcjellës i këngëtares nga Maqedonia, dhe nuk më la mbresa të mëdha, është thjeshtë një eufori 10 ditëshe, ku njoftohesh me këngëtarë nga vendet tjera, e ku “prapa perdeve” është një realitet i hidhur.”
Leonora nuk është e vetmja shqiptare që ka performuar në ‘Eurovision; për Maqedoninë, pasi një gjë të tillë e ka bërë edhe Adrian gaxha në vitin 2008. /Telegrafi/