Leonardo e konfirmon se Carlos Bacca dhe André Silva mund të shiten në këtë afat kalimtar, ndërsa Manuel Locatellit nuk do t’i kërkohet të largohet nga Milani.
Menaxheri i përgjithshëm i klubit ishte në Casa Milan sot për prezantimin e Ivan Strinic dhe Pepe Reina dhe u pyet rreth lojtarëve që mund të largohen.
“Kemi një marrëdhënie të shkëlqyeshme me Bacca”.
“Po përpiqemi t’i zgjidhim gjërat në një atmosferë pozitive, ai e njeh situatën dhe ai ka nevojat e tij. Do të shohim nëse mund t’i zgjidhim gjërat. Ai gjithashtu mund të qëndrojë”.
“Sa për Andre Silva, ka disa situata, por ne kemi provuar ta kuptojmë. Duhet t’i kuptojmë synimet e tij, edhe pse në disa raste janë të vështira”.
“Është e mundur që ai të largohet, por ne duhet ta shohim se si dhe ku”, ka thënë Leonardo.
Mesfushori i ri Manuel Locatelli ka qenë i lidhur me Sassuolon, por duket se nuk ka gjasa të largohet.
“Nuk kemi menduar kurrë që ta lëshojmë Locatellin”.
“Ne ndoshta do të gjejmë një zgjidhje për [portierin] Gabriel. Duke parë që kemi dy portierë të fortë [Pepe Reina dhe Gigio Donnarumma] dhe një portier me të ardhme të madhe si [Alessandro] Plizarri”.
Pepe Reina will wear the number #25 at Milan. pic.twitter.com/KNSf9NJdGH
— TheMilanBible (@TheMilanBible) August 10, 2018
“Pra, jemi mirë të vendosur te portierët”, ka thënë Leonardo. /Telegrafi/