Lenovo nuk po shfaq vetëm laptopët dhe tabletët e rinjë në IFA 2016. Përkrah prezantimti të djeshëm të Moto Z Play, Lenovo ka lansuar edhe një seri të pajisjeve të rangut mesatar, në familjen K6.
Kjo linjë do të ketë gjithsej tre modele: Lenovo K6, K6 Power dhe K6 Note.
Treshja ofron shumicën e specifikave të njejta duke përfshirë procesorin Snapdragon 430, kartelën microSD për rritje të hapësirës, mundësinë e dy kartelave SIM, Bluetooth 4.1 dhe Android Marshmallow 6.0.
Lenovo K6 dhe K6 Power ofrojnë RAM memorie prej 2 dhe 3GB, varësisht prej modelit me hapësirë prej 16 ose 32GB.
Në anën tjetër, K6 Note ofron hapësirë të brendshme prej 32GB dhe RAM memorie të zgjedhjes suaj prej 3 ose 4 GB.