Anësori shqiptar, Ermir Lenjani, do ta vazhdojë karrierën te klubi turk, Umraniyespor.
Lajmin e ka konfirmuar klubi i ri i 32-vjeçarit, duke publikuar imazhe nga nënshkrimi i kontratës së re.
Në njoftim thuhet se ish-lojtari i Grasshoppers ka arritur marrëveshje për kontratë njëvjeçare me opsionin për ta vazhduar edhe për një vit tjetër.
“Mirë se vjen Ermir Lenjani”, shkruan mes tjerash në njoftimin e klubit nga Stambolli.
Lenjani në të kaluarën ka luajtur edhe për klube, si Sioni, Nantes e Rennes, ndërsa e përfaqëson Shqipërinë që nga viti 2013. /Telegrafi/